برموده تحت العبايه والسيقان طالعة !!!!!!

في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الأسلامي او لعادات اجدادنا وتقاليدهم ..

لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا مع العلم انها اصبحت ليس موضه بل اصبحت عاده القصير تحت العباه .. وياريت تكون العباه مسكره ..

الا مفتوحه وتظهر السيقان والكل يتفرج ..

يعني ودي اعرف ويش هدف الفتاه لما تلبس برمودا والسيقان طالعه ووتتمشى في المجمع وبكل ثقه ؟؟

والي يبط الكبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قليل ادب وما تستحي ومش متربي وووو .... الخ ..

طيب اذا اهو قليل ادب انتي شتطلعين ؟؟
انتي ماحترمتي نفسك ولا حشمتي الموجودين بالمكان

ليش تتوقعين من الشباب يحترمونك او يعملولك حساب ؟؟

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟
البنات شلون يرضون على نفسهم ؟؟ نسوا مخافة الله والعادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشياء صارت عاديه بالنسبه لهم ؟؟؟

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

1_ هل صادف وان شفت هالظاهره امامك ؟؟في السوق هيه وااايد
2_ شرايكم بهالنوع من الفتيات ؟صراحه البنت اللي بهذا الشكل عمري مابحترمها
3_ برأيكم شالهدف الذي يجعل الفتيات يطلعون بهالشكل ؟؟الموضه
واخيرا .. هل في كلمه تحب توجها لهالفتيات ؟ نصيحه او حتى نقد ؟؟ياريت البنت تفكر في الاخره ويوم تقابل ربها شو بتقوله
الله يهديناجميعا
تسلم صااايد ع الموضوع

ثااااااااااااااااااااانكس الريم عالردووووور

اتمنى الكل يشارك ويبدي رايه